شركتك تمشي على أشخاص.مو على نظام.
الطلبات تجي على واتساب. التقارير تنبني بالإكسل يدوي. والموظف اللي يعرف كل شي — لو مشى، مشت معه الشركة.
بدون عرض بيع. تطلع بخريطة لعملياتك — حتى لو ما اشتغلت معنا.
وين الوجع؟
اختر اللي أقرب لوضعك — وكلّمنا عنه مباشرة.
شركتك تشتغل بـ…
العمل اليدوي ما يظهر في قائمة المصاريف. يظهر في رواتب موظفين يسوّون شغل تسويه آلة، وفي طلبات تضيع، وفي قرارات تتأخر لأن الرقم مو جاهز.
اضرب ساعاتهم في رواتبهم. هذي فاتورتك الشهرية بدون نظام — وأنت تدفعها الحين.
ما فيه سجل. ما فيه بحث. ما فيه أحد يعرف وش صار للطلب إلا لو دوّر بنفسه.
هذي مو كفاءة. هذي نقطة فشل واحدة — تمشي على رجلين، وتقدر تستقيل.
كل شهر تأجّل فيه، تدفع نفس الفاتورة — وما تبني شي مقابلها.
المشكلة مو فيك. المشكلة في اللي سلّموك نص شغل وقالوا خلصنا.
الشركة عطتك تصميم موقع يجنّن، وما يجيب أي عميل. والفريلانسر بنى لك ميزة، وطارت معه يوم راح. والقالب اشتغل شهر، وانكسر أول ما كبر شغلك. كلهم عطوك قطعة — ومحد ربط لك القطع. النظام هو الربط، وهو اللي ناقصك.
ليش وصلت لنا
- الشركة اللي عطتك تصميم حلو، سلّمتك ملف، واختفت أول ما طلبت تعديل.
- الفريلانسر اللي بنى لك النظام، وطار — وما خلّى أحد يفهم شغله من بعده.
- القالب الرخيص اللي شريته، وصرفت أضعاف سعره وأنت تحاول تصلّحه.
- «ابن أخوي يعرف برمجة» — واللي صار، صار.
كلهم يشتركون بشي واحد: بنوا لك شي — وما خلّوك تقدر تمشّيه بنفسك.
نفهم مشكلتك الأول — بعدين نبني
محد يبني لك نظام قبل ما يفهم وين مشكلتك بالضبط.
تشخيص
نجلس معك ونرسم عملياتك كما هي — مو كما تتمناها. نسأل أسئلة قد تزعجك. تطلع بخريطة تشوف فيها وين يروح وقت فريقك.
مخطط
نحدد وش نبني، وش ما نبنيه، وليش. توافق على الورق قبل ما نكتب سطر. لا مفاجآت، ولا «هذا خارج النطاق» بعد شهرين.
بناء
تسليم كل أسبوع. تشوف النظام وهو ينبني، ما تنتظره. لو الاتجاه غلط، نكتشفها في الأسبوع الثاني — مو في التسليم.
مفاتيح
الكود لك. المستودع باسمك. التوثيق يمكّن أي مبرمج ثاني يكمل من بعدنا. ما نحبسك عندنا — لأن اللي يحبس عميله، يعرف إن العميل بيمشي لو قدر.
٥ سنوات، وهذا شغلنا — بأسماء أصحابه
البنية التقنية الكاملة
مو مشروع واحد — خمسة أنظمة تشتغل مع بعض: CRM للمبيعات، بوت خدمة عملاء، منصة توصيل وحجز، لوحة مؤشرات أداء، ونظام مخزون. بنينا لهم البنية التقنية كاملة، مو صفحة.
Essentia Wellbeing
نظام CRM كامل مربوط ببوابة دفع، مع إدارة فعاليات وكروسات وعضويات. منصة متكاملة تدير العميل من أول تسجيل لآخر جلسة.
إباء بوت
روبوت ذكي متعدد الوظائف: خدمة عملاء تلقائية، إجابة على الاستفسارات، ومعالجة الطلبات على مدار الساعة — بدون ما ينتظر العميل موظف.
OneStation
منصة توصيل وحجز مواعيد بنظام توزيع ذكي، تتبع حي، وإدارة الفنيين والمواعيد في مكان واحد.
د. عائشة الدخيل
منصة دورات بصفحات مبيعات مقنعة، عضويات، دفع آمن، وتنبيهات تلقائية. مبنية لتبيع الدورة وتدير المشترك بعدها.
مركز ريما الشلهوب
منصة حجوزات متكاملة: جلسات فردية وأسرية، نظام حجز ذكي، ودفع آمن. تحترم خصوصية القطاع وتسهّل الوصول.
متجر عودية
متجر متخصص في العود: صفحات منتج مقنعة، خطوات شراء مبسّطة، وربط دفع وشحن كامل.
الموقع اللي تقرأه الآن هو المعرض. افتح أدوات المطوّر. شوف كم ياخذ يحمّل. شوف الكود. ما فيه قالب، ولا وردبريس، ولا إضافة اشتريناها.
ثلاثة أشياء. نتقنها.
لو طلبك خارج هالثلاثة، نقول لك من أول مكالمة — ما ندوّرك.
موقعك يتصفَّح — ولا يُشترى منه.
موقع يبيع
موقع مبني كقمع: يمسك انتباه الزائر، يضرب في ألمه، ويخرجه بقرار — مو بانطباع. سريع، RTL أصيل، ومهيأ لمحركات البحث لأن ذلك أساس، لا ميزة.
عملياتك محفوظة في رأس موظف.
نظام يشتغل بدونك
ERP · CRM · لوحات تحكم · إدارة مخزون وفروع. النظام يعرف العملية، فما تحتاج بشر يذكّر بشر. والتقرير جاهز قبل ما تطلبه.
أنظمتك ما تكلّم بعضها — فأنت الوسيط.
أتمتة وتكامل
بوتات واتساب تبيع وتخدم · تدفقات تلغي العمل المتكرر · ربط SAP والمحاسبة والمتجر ونقاط البيع. النسخ واللصق بين الأنظمة شغل آلة، مو شغل موظف.
مشاريع مختارة — ٣ فقط
نشتغل مع ٣ مشاريع كل فترة — مو أكثر. مو لأننا ما نقدر، بل لأن كل مشروع يستاهل تركيز كامل. السعر المميّز مقابل إننا نعرض النتائج. الصفقة واضحة من الطرفين:
تاخذ
- سعر مميّز — خاص بهذه الدفعة، وما يتكرر بعدها
- أولوية كاملة في الجدول — مشروعك يبدأ قبل غيره
- تواصل مباشر مع المؤسسين — تكلّم اللي يبني نظامك، بدون وسطاء
تعطي
- موافقتك إننا نعرض مشروعك ونتائجه في أعمالنا
- رأيك المصوّر بعد التسليم — دقيقة أو دقيقتين
·وطرق الدفع مرنة — نرتّبها حسب حجم مشروعك ومراحله.
الرقم يوصلك في المكالمة الأولى — مو بعد ثلاث اجتماعات وعرض من عشرين صفحة.
قدّم مشروعكتقرير مكتوب بمشاكلك وحلولها — يوصلك، حتى لو ما اشتغلت معنا.
التشخيص مجاني، وثلاثين دقيقة. تطلع منه بتقرير واضح: وين وقت فريقك يضيع، أي عملية تستاهل نأتمتها وأي وحدة لا، ومن وين تبدأ. ورقة تمسكها بيدك — تنفّذها بنفسك، أو تعطيها أي أحد ثاني.
نعطيك التقرير مجاناً لأننا واثقين إنك بعد ما تشوفه، بتعرف مين يستاهل ينفّذه.
قبل ما تسأل
كم راح يكلفني؟
يعتمد على حجم العملية — ونقول لك الرقم في المكالمة الأولى، مو بعد ثلاث اجتماعات. ولو مشروعك خارج نطاقنا، نقولها لك من أول دقيقة. ما ندوّرك ولا نضيّع وقتك.
إذا مشيتوا، وش يصير لنظامي؟
الكود ملكك من اليوم الأول. مستودع باسمك، توثيق كامل، وأي مبرمج يقدر يكمل. هذا شرط عندنا — مو ميزة نتفضل بها.
ليش ما آخذ قالب جاهز؟
خذه — لو محتاج صفحة. لو محتاجها تشتغل، القالب راح يكلفك أضعاف الفرق وأنت تحاول تلوي ذراعه. القوالب رخيصة في اليوم الأول، وغالية في اليوم المئة.
عندي نظام قديم — أصلحه ولا أبني جديد؟
التشخيص يجاوبك. وأحياناً الجواب «أصلحه» — ونقولها لك حتى لو خسرنا الصفقة.
شركتي صغيرة. أحتاج نظام؟
لو موظف عندك يقضي أكثر من ساعتين يومياً في شغل يتكرر، عندك ما يبرّر النظام. احسبها بنفسك.
وش يميزكم عن الوكالات الثانية؟
إحنا نبدأ من الأنظمة، والتصميم جاء ليخدمها — مو العكس. أغلب الوكالات استوديوهات تصميم أضافت البرمجة لاحقاً، فتحصل على واجهة جميلة معلّقة على لا شي.
ثلاثين دقيقة، وتطلع بخطة واضحة.مجاناً.
بدون عرض بيع. تطلع بتقرير كامل لعملياتك — حتى لو ما اشتغلت معنا.